ہسنے نہیں دیتا ، کبھی رونے نہیں دیتا|| داغ دہلوی
ہسنے نہیں دیتا ، کبھی رونے نہیں دیتا
یہ دِل تو کوئی کام بھی ہونے نہیں دیتا
تم مانگ رہے ہو میرے دِل سے میری خواہش
بچہ تو کبھی اپنے کھلونے نہیں دیتا
میں خود ہی اٹھاتا ہوں شب و روز کی ذلّت
یہ بوجھ کسی اور کو ڈھونے نہیں دیتا
کہتا تو بہت ہے خلا ہے میرے اندر
لیکن وہ کہیں ہم کو سمونے نہیں دیتا
وہ کون ہے اس سے تو میں واقف ہی نہیں ہوں
جو مجھ کو کسی اور کا ہونے نہیں دیتا
بچّے کی طرح چیختا رہتا ہے مسلسل
کیا خوف میرے شہر کو سونے نہیں دیتا
~داغ دہلوی
